Lanurtemi tamamangtsü osang khar angashia alokba dang tejangja metetnüa asüngdanger

Lanur : Oh! Tashitemeteter Alok, tanüa onoki tataa bilemba onük khar asüngdangner.
Alok : Kechisar asüngdangang. Ni azünga dang lir.
Lanur : Ninangi la tashikang kepdena yimzüdang second ka nung 320 ben kepdener ta angashi, aji shitak asü?
Alok : Electric current agia sünga Bangka alongba to second ka nung 50 bena mulungtettsü.
Lanur : Tetsüng pezü adenba shiruru rongnung lah-i dang yima oteter ta angazük, aji shitak asü?
Alok : Item shiruruji lah, süngkojung aser ongliang ta adi
Lanur : Akhi mapang football saidang ball tenzüker second 2 ½ nung goal score sütet, ibaji mezüngbuba world record. Tanabubaji 3.5 nung score sütet ta angazük. Aji shitak asü?
Alok : Mezüngbuba jibo tamamangtsü, tanabuba jibo oda amangdi. Ibajibo tamangtsü lir ta angatetba kholi khar ni shidi. Centre nung alisangi ka nem passing agütsür, ka jagi ball ji metsüdang mapangji second 1.2 bosa agir, aser centre tesem nungi ballji goal post adongdang mapangji 2.3 agir. Süra ajak agi second 3.5 jibo amangdi ashiko ibajia ball tenzükdang goalkeeperji tera tejakleni atua liasü südi. Ano tasüngdangtsü khar ali asü?
Lanur : Ajak asüngdangmaogo
Alok : Süra onok mapang atalokba ka shidi. Akhi mapang onok telok ana ball saidang kasa nung dang tempangba agi penalty metsütepdang ball ajak teptetdoksangji ni ado. Saka masükemer adi.
Lanur : Koba küm? Kechi trophy nung?
Alok : 1962 küm catch them young trophy nung ati.
Lanur : ha!ha!ha!

Lilir: A.Maong Aier, Alongmen Ward Mkg