Angati football grassroots coaching camp ka Jalukie nung kadar

Kohima, December 13 (TYO): “Make football happen” omen nung ajemdaker angati agi football grassroots coaching camp ka December 11 nü nungi Government Higher Secondary School ground, Jalukie town nung tenzükogo. Iba camp ya Nagaland Football Coaches Association (NFCA) den 36th Assam Rifles aser Barak Football Club puri aachayanga ayongzükba lir.
Iba camp ya 36th AR, commandant Col. NMS Thakur-i tenzüktsü aser NFCA general secretary Ayeto Ayemi-i oki ala.
NFCA joint secretary Keyigumgwangbe Thou, shiba iba camp director lir, paia iba camp lapokba sentong nung o tatsüka jembi.
Iba camp ya tanurtem arishi küm 6 nungi 14 tashi atema lapoktsüba lir, aser December 16 tashi akatsü.