Khristmas Cake Race Dec 23 nü agitsü: MMC

Mokokchung, December 14 (TYO): Inter-ward Khristmas Cake Race 2017 sentong Honibar (December 23) anepdang 7:00 ako nungi tenzüka Imkongmeren Sports Complex, Mokokchung nung akatsü, ta tanü Mokokchung Municipal Council, ADC & Administrator, W. Manpai Phom-i sangdong ka ajanga metetdaktsü.
Iba sentong ya The Spearhead Motorsport Initiative-i ayongzüktsü, MMC-i senotsü sponsor asütsü aser Mokokchung Bakery Union-i shilem agir team ajak asoshi sempet (cake) sponsor asütsü, ta paisa metetdaktsü.
Iba dak alia 2017-18 Midnight Service sentong police Point nung Mokokchung District Music Associaion-i ayongzüktsü aser Mokokchung Municipal Council-i sponsor asütsü, anungji item sentong ajak nung adentsü atema nüburtem pelashishia jaokba den külemi Tsüngrem sentsüwangshi atema item sentong takok ngua akatsü asoshi sarasadem nung bilemtetdaktsüner, ta kasa sangdong nungsa shia lir.