Asür, Dr. I Ben Wati indang taküm otsü kaket ka sayaogo

December 18, 2017 nü Elim Hall, DABA, Dimapur nung asür, Rev.Dr. I Ben Wati taküm otsü kaket sayaba sentong nung Rev.L.Kari Longchar (abelen nungi tanabuba) aser Rev.Dr. I Ben Wati’er kinüngertem tangokba noksa nung angur. 

Dimapur, December 18 (TYO): Asür, Rev.Dr. I Ben Wati küm 97 ajungba anogomong den denjitepa tanü Elim Hall, Dimapur Ao Baptist Arogo Church (DABA) nung Rev. L.Kari Longchar-i Rev.Dr. I Ben Wati taküm otsü kaket ka sayatsüogo.
Iba sentong ya Rev. Dr. N. Tzudir leniba nung agi, aser iba sentong nung asür I.Ben Wati nunger mapang tenzükertem densema liasü.
Parnok rongnungi Rev. O.Alem, Rev. Dr. Imo Aier aser Rev. Yanglu Imsong nungeri pa taküm aliba mapang nung pa den külemi inyaksema aruba aser ajangshibatem lemsatepa liasü.
Kasa sentong nung kinüngertem tenüng nung Er. Lanu Toy-ia jembia liasü