DALT-i Christmas salem metetdaktsür

Dimapur Ao Lanur Telongjem (DALT) 2012 küm nungi tanü tashi takok manung arudagi. Iba temoatsü ya Tsüngrem taochi aser Dimapur nung aliba asen Ao sensosangertem telongjem tamang, sarasadem aser teyaritep tulu ajanga lir.
Yimjung chir Yisu Khrista asoba benjongmong tenüng nung asen DALT menden ajanga Ao Senso Telongjem Dimapur (ASTD), Watsü Telongjem Dimapur (WTD), Ao Kaketshir Telongjem Dimapur (AKTD) aser DALT kimen, shisalen teyurtem, Sanen Luden-i anir luden aser unit balala nung züngsemtem ajak nem tepela salem metetdaktsür.