NPF 5 Ghaspani-II A/C-i Kevi Rio asüba atema mangyimer

Dimapur, January 10 (TYO): January 9, 2018 nü Dimapur nungi Sovima nung alir Kevi Rio ajungbena asüba atema 5 Ghaspani-II A/C nung party nung inyakertemi mangyimer; Asür Kevi ya 5 Ghaspani-II A/C MLA, Zhaleo Rio’er aianu chir lir, ta tanü Press Secretary, 5 Ghaspani-II A/C, Thejangukho Yalietsu-i sangdong ka ajanga metetdaktsü.
Pa asüba ajanga nüburtem, talisa lanurtem atema tapok tulu apatsü, ta party-isa metetdaktsü.
“Pai ajak den ochishiba, nendaka inyakba aser tongmelang taküm aliba, iba den külemi nüburtem senso tajung kaka akümtsü atema pai nendaka inyakbaji kodanga mamatoki bilemtettsü,” ta sangdong nungsa shia lir.
Tsüngremi iba ama mapang nung mangyimer kibong nem tesünep agüjang ta sarasademtsür, ta party-isa metetdaktsü.