T20Is asayatsü asoshi India nungertem Ireland-i aotsü

New Delhi, Aenjeti 10 (Agencies): India nunger tebur cricket asayarba team ya T20I (Twenty20 International) anaben asayatsü atema Ireland-i aotsü aser iba nung jagi England den test match Chiteni (July) nung asayatsü atema aotsü. T20I asaya ya Dublin nung Aami (June) 27 aser Aami 29, 2018 nü asayatsü, ta BCCI-i sangdong ka nung ashi.
India nunger cricket asayar teburtemi Ireland ya 2007 küm tatemsa semdanga iba mapang Belfast (Ireland) nung ODI (One Day International) ka asaya, kong India-i D/Ls yimya nung wicket 9 agi takok ngua liasü. India-i T20 format nung Ireland den khen dang asayadanga lir aser iba ya Nottingham nung 2009 ICC World T20 asaya lir.
Küm tom nung Ireland-i par linük nung Test match mezüng Pakistan den asayatsü lir. Pakistan aser Ireland tsüngta ODI ya 2006 küm nungi asaya arur aser Test asayatsü ya Aami (June) 2017 nung mela, aser iba linük den külemi Afghanistan nunga Test match ya Monupii (May) 11-15 nung mezüngbuba asayatsü lir.
Ireland nung cricket ya küm 200 shi asaya arur, saka televised match ka nung 1969 küm Sion Mills nung asayadang West Indies nunger runs 25 dang yangluteter lia asayar ajak out sütsüba sülen alimai metet.