Bangkok, August 29 (Agencies): India nunger tsüngteper 2, Manpreet Singh aser Satish Kumar nati takok ngua tsüngtepba sülen tang tasayadak Asian Boxing Championship quarterfinal nung shilem agitsü jenjang tanü Honibar nü ajangzükogo.
Manpreet-i points 3-0 agi Sri Lanka nunger Nuvan Sugeewa Sampath tsükdaktsüba sülen Uzbekistan nunger Rustam Tulaganov den tebur temang touzük seret 69 taret welterweight shilem indang quarterfinal asayatsü jenjang angu.
Satish-ia North Korea nunger Jin Hyok madak takok ngua quarterfinal nung shilem agitsü jenjang angu.
Satish-i Tajikistan nunger Siyovush Zukhurov den taruba asaya nung ajuruteptsü lemzükogo.
Asian Boxing: Manpreet quarterfinal-i iogo added by asungba on
View all posts by asungba →
You must be logged in to post a comment Login