Nagaland Olympic Association ajanga sangdonger

Dimapur, Aenjeti 16 (Agencies): Dimapur nung Luchii (December) 12 nungi 16, 2017 anogotem nung 1buba Nagaland Olympic Games aliba mapang District Sports Association ajaki shilem agiba asoshi palaba lemsateper, ta Nagaland Olympic Association (NOA) ajanga sangdong ka nung metetdaktsü. Asaya tabu 12 nung Committee aser Association balala nung züngsemtemi bendanga agütsür iba asayamung takok ngudakja mapa meranga inyakba asoshia pelar, ta NOA ajanga metetdaktsü.
Iba asayamung indang expenditure account shibangtsü mechi District Sports Association ajunga nungi meyiba aodang indokba senotsü amshiba indang kulikaket den voucher agütsütsü asoshia kasa sangdong nung NOA ajanga metetdaktsü. Committee ajak aser discipline 12 indang Sports Association nungia senotsü agizüka amshiba kulikaket den voucher tem audit aser sorkar nem agütsütsü atema NOA Senyur, K. Kire, Retd IPS ket tongtsütsü asoshi NOA ajangasa metetdaktsü.