Mediterranean tzüyim adena arur 56 apu

Madrid, Aenjeti 20 (Agencies) : Taküm bendanga agütsür Mediterranean tzüyim adena Africa nungi Europe limai rong nung aruya aliba nisung 56 Spain nungertemi kümzükogo, ta osang ka ajanga metetdaktsü.
Spain maritime rescue service ajanga ashiba agi, temelaba magii tzüyim adena arutsü merangertem mita aoba mapang parnokji rong tila ana nung aruya lia tanep Küptoknü anepdang apu.
Gibraltar Strait nung menepba rong nung tebur metsür asem liasü; ano Alboran asetkong anasa tanga rong ka nung Sahara nunger tebur semer asem mena liasü.
Europe arrtsü anükertemi ashiba agi, 2016 küm 10,231 aser yaküm 2017 küm bendanglen nungi parnok 22,880 tzüyim adena Spain limai aru. Mediterranean anüolen tsütsü nungi Europe bushia arurtemji ano takümsa teimba asütsü südi, ta parnokisa tekümdangtsü olen ka metetdaktsüogo. International Organization for Migration ajanga ashiba agi, tan taoba
Bodhbarnü tashi nung parnok 2,583 Europe tonga aru saka tia maka nisung noklang ka ser tekur tekubo tzüyim adena aruba mapang taküm samaogo.