HSSLC & HSLC tatidang anogo melenshir

Dimapur, Aenjeti (January) 20 (TYO): Nagaland Board of School Education (NBSE)-i parnoki ketdangsüa agiba HSSLC, HSLC tatidang aser Class XI Promotion exam 2018 atsülangogo, ta ketdangsertem osang ka ajanga metetdaktsü.
HSLC tatidangji Metsüremi (March) 9 nungi tenzüktsü aser Class XI Promotional den HSSLC tatidangji Metsüremi March 8 nungi tenzüktsü.
Nagaland Board of School Education (NBSE)-i sangdong ka ajanga, “Tatidang routine ji ajungben sodi kar liaka temelenshi malitsü. Ajisüaka tatidang thinentsüsa kümra mesüra tatidang atsülangtsüsa kümra tatidang anogotemji osangkakettem ajanga metetdaktsütsü,” ta metetdaktsüogo.
Tatidang routine ji website www.nbsenagaland.com nung angutsü.
Osang tejangja iba osngkaket tapak 11 nung angutsü.