Co-ordination ludeni metongshitsür

Kohima, Aenjeti, 24 (TYO): Aenjeti (January) 25, 2018 anepdang 10:00 ako nung Coordination Committee of Naga Civil Societies-i Hotel Japfu, Kohima nung ayongba senden dak sendakba nung ‘Solution before Election’ onük nung yimtenren party tem jaokba sangdong nung aibelenba atema sasar, ta tanü NTC, Naga Hoho, ENPO aser NGBF lenirtemi metetdaktsü.
Anungji tamalen agütsüba sangdong tanabuba tekong nung “Nagaland nung recognised yimtenren party ajak nungi ketdangpur anana” ta asübaji ‘National aser Regional party naprongla nungi recognised yimtenren party ajak nungi ketdangpur anana’ ta metongshitsür, anungji iba senden nung shilem agia dendaktsüner, ta kasa sangdong nungsa shia lir.