NE nungi tanur 8-i Bravery Award angu

New Delhi, Aenjeti 25 (Agencies): Rasemnü (Bodhbar) Ato kilonser, Narendra Modi-i linük nung tanur 18 nem National Bravery Awards agütsü, parnok rongnung tetsür tenet aser tanur asembo asürtem liasü.
Award agizükertem den jembidang Modi-i, nenok tasütait mapatem ajanga tangara ajungmesotsü, aser pei dak melung lemtetttsü, ta ashi.
National Bravery Award 2017 atema tanur 18 shimba rongnung tanur 8 bo North-East nungi lir.
Meghalaya nungi Betshwajohn Lyngdoh-i Bapu Gaidhani Award angu. 2016 küm pai pa teno arishi küm 3, Airbus Lyngdoh mi agi rongsettsü lia kümzüka liasü.
Taküm Republic Day parade nung pai-a shilem agitsü.
Ano Northeast nungi Award agizükertem rongnung Nagaland nungi Mansha N, N. Shangpon Konyak, Yoaknei aser Chingai Wangsa nunger lir.