Saina Nehwal aser PV Sindhu na Quarter nung asayatsü

Jakarta, Aenjeti 25 (Agencies): Tang tasayadak Indonesia Masters nung pei tata asaya akokba sülen India tsürtem rongnungi badminton asayar Saina Nehwal aser P V Sindhu na quarterfinal asayatsü.
London Olympic nung bronze-medal ngur alila Saina-i China tsür Chen Xiaoxin 21-12 21-18 agi minute 37buba nung akok, aser kasa mapang nung Sindhu-i Malaysia tsür Goh Jin Wei 21-12 21-9 agi akok.
Kasa asayamung nung India nunger tebur tarep asayar Satwiksairaj Rankireddy aser Chirag Shetty nati Chinese Taipei nunger tarep asayar Liao Min Chun aser Su Ching Heng na 21-17 21-16 agi tanabuba round nung akokba sülen quarterfinals-i iogo.
Saina aser Sindhu na tang tashi nung international jenjang nung anaben asayaa lir aser tenapronglai khen khen koka lir. 2014 Syed Modi Grand Prix Gold nung Saina-i, Sindhu akok aser taoba küm India Open Super Series nung Sindhu-i meyiper Saina akok. Ajisüaka taobakümsa Saina-i Senior National Badminton Championship nung Sindhu madak takok angu.
Maneni tena Premier Badminton League nung Awadhe Warriors aser Chennai Smashers na asayaba mapang asayatsü asoshi liasü, saka Saina tetsüng raksaba ajanga masayatet.
Domestic league nung Saina aser Sindhu na anaben asayaa lir. Indian Badminton League 2013 küm Saina Hyderabad HotShots nungi asayaba mapang nung lai Sindhu (Awadhe Warriors) akok aser Sindhu-i 2017 PBL 2 semifinal nung Saina koka lir.
Kasa asayamung tebur kija asaya nung Commonwealth Games champion Parupalli Kashyap Malaysia nunger asayar Chong Wei Feng-i 18-21 18-21 agi mezüngbuba round nung kokogo.