Tripura nung NLTF telungpurtemi nisung 2 apu

Agartala, August 30 (Agencies) : National Liberation Front of Tripura (NLFT)-i Tripura nung nisung ama pur Bangladesh-i anir ogo, ta Deobarnü police-i metetdaktsü.
Honibarnü Dhalai district kübok Maldakumar Para yimtsüng nung lisopur kar arem nung aou lepya lia telungpurtemi par asem pur ao, ta Dhalai police ketdangser, Bijoy Debbarma-i ashi.
Honibar aonung telungpurtemi Dhananjoy Tripura chiok saka tanüngba nisung ana – Shantijoy Tripura aser Manojoy Tripura nabo mechiok, ta paisa ashi.
Border Security Force-i Border Guards Bangladesh dang Tripura nunger yimdaklir anaji kümzüktsü atema mapa inyakang ta shiogo.
NLFT yagi India nungi Tripura balaka razüka aotsü atema takhangba agüja rarar aser sorkari iba telok ya 1997 nung mokdang.
NLFT züngsem timbaka Bangladesh nung jenoka lir aser parnoki state aser Centre sorkar den olemtep anaben liogo.