Dimapur I-III Constituencies nominations atema sangdonger

Dimapur, Aenjeti 31 (TYO): Additional Deputy Commissioner & Returning Officer, Sara S.Jamir-i Election Rules, 1961 dak ajemdaker Dimapur-I aser Dimapur -III constituency nung election agitsüba sangdongogo.
Iba sangdong nung ashiba agi, nomination papers ya candidate-i mesüra proposer mashi kati 1 Dimapur-I constituency atema Returning officer mesüra Assistant Returning officer, Hukashi Yepthomi nem agütsütettsü aser 3 Dimapur- III constituency atema Assistant Returning officer, Thejavizo Nakhro nem DC Office Dimapur, ADC HQ, office chamber nung anepdang 11:00 ako nungi nikongtsütsü 3:00 ako tashi nung Tsüklai (Febuary) 7, 2018 nü tashi nungbosa agütsütsüla.
Maneni kasa sangdong ajanga ashiba agi, nomination papers atema form tem temalen shia aliba mapang aser tesem nungi agizüktettsü. Nomination papers tem DC office Dimapur, ADC HQ office chamber nung Tsüklai (February) 8, 2018 nü 11:00 ako nungi 3:00 ako tashi nung asadangtsü.
Election nung metokteptsüba atema telemtetba agiba osang ya candidate-i mesera proposer mesera pa indang election agent kati Tsükali (February) 12 nü nikongtsütsü 3:00 ako matongdang arua agütsütsü akok. Election agira Tsüklai (February) 27 nü anepdang 7:00 ako nungi niklongtsütsü 4:00 tashi agitsü, ta Sara S.Jamir-i metetdaktsü.