Uttarakhand gari lendong nung nisung 5 asü

Rishikesh, August 30 (Agencies): Tanü Rishikesh, Shivpuri anasa bus ka gari tila ka den tsüktepba sülen lungreni aiba lendong nung tajemba agi nisung pongu asü aser nisung 24 yiruogo, ta police-i ashi.
Bus ji Rudraprayag nungi Rishikesh-i aoba mapang bus anisang jagi gari mazükokteti gari tila ka dak tsükoktsü, ta police-i ashi.
Iba tesem nungjisa nisung pezü atanga asü aser ka hospital nung teyaritak mapang asü, ta police-i ashi.
Yirua alirtem ajakji Rishikesh nung aliba hospital kati anir oa yaridagi, parnok rongnung nisung anabo kanga mejungi yirua lir, ta police osang ajangasa ashi.