Japan lima mi lendong nung 11 asü

Tokyo, Feb 01 (Agencies) : Japan anüdoklentip tsütsü tantsür tamburtem aliba ki ka nung mi lendong ataloka nisung 11 süogo, ta tanü Brehostibarnü Japan nunger police-i metetdaktsüogo.
Hokkaido asetkong anüdoklentip tsütsü tongtibang yimti Sapporo nung yasüng Bodhbar ayatrem anasa iba mi lendongji atalok. Sapporo police-i ashiba agi, kidang liasüba nisung pongubo kümzükogo.
Parnok rongnung jagi nisung asembo mozüki ka nung yirur anepaludagi saka taküm mekümzüktettsüsabo mesüi lir, ta parnokisa metetdaktsü. Nisung terka asüba dang police-i tang tashi nung jangjaogo; parnok rongnungji tebur ti aser tetsür asem liasü. Iba kidangji parnok tertrok telidak liasü ta angazüker.
Asemben tashi amentepa tuagi yanglua aliba ki nungji mokozü longa milak jangruba aserbo mi ensepertemi mi den raraba indang noksa NHK osang ajanga sayua liasü.
Komaser kidang mi aplokar tang bushisüngdang südagi.
Kyodo News ajanga ashiba agi, iba küm tenem shi tejen kiji timtemertem lidaktsütsü atema sen dalang agütsür amshia liasü.