Sangküm nungi Twitter nung tetsür timba shimtsü

Washington, August 30 (Agencies): 2016 nung Twitter-i mapa nung tetsürtem talila anioktsü aser iba jagi tetsür-tebur tebendang aliba khuret ajema akümtsü, ta parnoki metetdaktsü.
Twitter blog nung ashiba agi, parnok company nung tetsürtem shilem 35 tashi ajungkettsü.
Tang alima tesem balala nung Twitter nung mapa inyaker parnok 4,100 shi lir aser parnoki technical mapa nung shilem 16, leadership roles nung 25% aser tanüngba mapatem nung 11% ajungkettsü, ta metetdaktsü.
Item temelenshi ya küm ka sülen ataloktsü ta Twitter vice president of diversity & inclusion, Janet Van Huysse-i ashi.
“Nisung tapu balalai Twitter amshiba sayutsü atema onoki company tereprangtsü yanglushinür. Ibaji ajanga onoki alima nübortem tajungba nung yaritettsü,” ta Huysse-isa ashi.
Tawa tu visual discovery tool company Pinterest-ia mapa inyaker tetsürtem noklang nung shilem 21 aliba nungi 30 ajungkettsü, ta metetdaktsüogo.