School Education Dept.-i sangdonger

Kohima, Tsüklai 02 (TYO): Nagaland Angh-i Tsüklai (February) 9, 2018 nü Raj Bhavan nung tawa President’s Bravery award 2018 angur Naga nunger kaketshir/tanur pezü aser Kohima o Dimapur na nung aliba College aser Hr. Sec. School shia nungi kaketshir pongungu aser tesayur kaka den senden den reptepa telongjem sentong ka aginer, ta tanü School Education Dept.-i sangdong ka ajanga metetdaktsü.
Anungji Dimapur aser Kohima nung aliba Colleges/ Hr. Sec. School tem iba sentong nung shilem agitsü atema shortlist asütsü asoshi kaketshir pongungu aser tesayur kaka tenüng Tsüklai 5, 2018 matongdang tsünglanglen aguja aliba website nung email ajanga yokang, ta sangdong nungsa shia lir.
Item osangji email : director.se.nagaland@gmail.com ajanga yoktsü akok.