Vinod Kambli-i par kidang inyaklai ashiba aitsür

Mumbai, August 30 (Agencies): Tesüiba mapang cricket asayar Vinod Kambli aser kinüngtsü na anema par kidang mapa inyaklai FIR ka benokogo.
Lai benokba FIR aija ashiba mapang, Honibar nü Kambli-i, “item ajakji tai. Ibaji atema lai küli tejangja bener arutsüla. Lai ni kanga luja jembiogo. La ya shiba ser ni maksütsür,” ta ashi.
Arishi küm 43 tain, Kambli o kinüngtsü na anema par kidang mapang inyaklai anema ashiba nung ajemdaker Bandra Police-i iba FIR ya Honibar nü file asü.
Lai police dang ashiba agi, Kambli o kinüngtsü nati ita sen shitak magütsür aser ita sen meshidang masüba yimya ang sayur.
“Tenati ni kanga mezüngmeshir. Ni tena dang aiben par kidang melii aotsü ta ashiba ajanga tenati kü ita sen magütsüi sota ayu aser phone o documents ajak rakzüka ayu. Ni kü temeten meyiba aginer. Ochi obendang aginer aser kü oset ajak meyiba aginer,” ta lai ashi.