Melangteper Anil-i ‘Cadet Worlds’ nung gold angu

Sarajevo (Bosnia), August 30 (Agencies): India nunger melangteper Anil-i seret 50 tarensen nung tang tasayadak Cadet World Championships nung Deobar nü gold medal anguba zünga India nunger medal anabuba angur kümogo.
Anil-i gold mangudang tetsür melangtepba nung India tsür Ankus-i seret 38 tarensen nung silver medal ka ngur liasü.
Tang Asia nung champion Anil-i 10-6 agi taoba mapang champion Ireland nunger Efan Aeini koka iba medal angu.
Pai semifinal nung Mangolia nunger Tumentsogt Bold 10-0 agi koker final atongba lir. Ano quarterfinal nunga pai Turkey nunger Ertugrul Kahveci madak 12-2 agi takok ngua liasü.