Shiva o Devendro na Asian Boxing quarter final- iaogo

Bangkok, August 30 (Agencies): Taoba mapang champion, Shiva Thapa (56kg) aser tesüiba mapang silver medal angusang, L Devendro Singh (49kg) naprongla Asian Boxing Championships nung Deobar nü quarterfinal tongtetogo.
Shiva-i Jordan nunger Mohammad Alwadi 3-0 agi aser Devendro-ia China nunger He Junjun 3-0 agi koka tenaprong quarterfinal tongtet.
Ajisüaka tesasatsüka tesüiba küm silver-medal abensang Mandeep Jangra (69kg)-i Japan nunger Yasuhiro Suzuki 1-2 agi makokba ajanga asayamung nungi tuguogo.
September 1 nü Vietnam nunger Ngoc Tan Inahuynh akoksang Indonesia nunger Kornelis Kwangu Langu o Devendro na aser Nepal nunger Dinesh Shreshtha akoksang Kyrgyzstan nunger Omurbek Malabekov o Shiva na tsüngteptsü.