Sep12 nü KDVA Foundation Day amungtsü

Kohima, August 30 (TYO) : September 12, 2015 nü Kohima District Volleyball Association (KDVA) 10 buba Foundation Day amungtsü.
KDVA nung züngsem tasen kümnürtemi Kohima District Congress Committee (KDCC) office, Congress Bhavan, near Old secretariat area nung form agizüktsü akok aser iba sülen sen 50 den passport ana aser registration fee Rs.500 agüja züngsemtsü, ta KDVA-i ashi.
Züngsem tasen züngokbaji September 12, 2015 tashi dang alitsü aser Foundation Day sentong nung KDVA züngsemtem den temeimertem ajak arua adentsü mepishir, ta KDVA ketdangsertemisa ashi.
Ano külen, KDVA-i hopta ka referee clinic agia arur Honibarnü tembangogo. Iba training nung nisung 33 aden aser All Manipur Volleyball Association (AMVA), Department of Youth Resources and Sports, Nagaland, IG stadium Administrator Teisobou Sekhose, Neiziengulie Rame aser Sports World nungertemi yaritepba atema kanga pelar, ta parnokisa metetdaktsü.
Iba clinic ya Manipur nungi Balwewar Singh aser Romeo Singh nati agi aser tenaprongla ya international referee lir. Tang tashi nung North east India nungi international referee ji tena dang lir, ta KDVA-isa shisem.