Apple puri iPhone X mesükba LCD iPhone sayatsü

New Delhi, Tsüklai 15 (Agencies): Taküm 2018 nung Apple company-i iPhone tasen asem sayatsü asoshi renemdar aser parnok rongnung phone ka nungtuguba asütsü, ta Taiwanese business group KGI (Keck Graduate Institute)Securities top analyst-i sangdong ajanga metetdaktsü.
KGI Securities Analyst Ming-Chi Kuo-i ashiba agi, Cupertino-headquartered giant puri 6.1-inch LCD?iPhone ka yangludar koba iPhone X den mesüktepa alitsü saka jenjang tajemba asütsü.
Apple indang inch trok LCD iPhone ya unit million 600 ayoktsü nükjidong lir ta Kuo-isa ashi.
“Inch 6.1 LCD iPhone ya Apple iPhone X den mesüktepa yanglutsü aser screen design dena mesüktepa yanglytsü saka customer temi alitettsüsa, sen jenjeng tajemba nung agutsütsü. Analyst-i temi ashiba agi iPhone 8 aser iPhone 8 Plus na melentsü atema iPhone tasenba ya jenjang tajemba agi sen dollar $699 agi angutsü” ta Rasemnü 9to5Mac-i sangdong ka ajanga metetdaktsü.
Maneni, iba iPhone device nung dual camera den touch 3D malitsü, ta temalen KGI ajanga sangdonga liasü.