Isaia tapu 5 nung Ayatai 6

Isaia tapu 5 nung Ayatai 6 Asenok Ao oshi nung tebang agi ashitsu makokba timtem toushi tulu arudang o tatembangji AYATAI ! ta ashir. Laishiba nung Tsungremi Isaia ainkar ajanga ayatai 6 yamai shia lir:
1. Nenok shiri nenok kisüng linük nung alitsüsa mejepa aodaka makai ki ka nung ka medenloka yanglur aser alu ka nung alu ka bendenloker parnok asoshi ayatai ! Atangji, ki aika azüngazünga, ki tulu aser tajung nisung melii akümtsü (v 8-9 )
2. Shirnoki anepdang yakta mejemtzü bushia saker ; shirnoki aonung yi agi meletted tashi menua kazür parnok asoshi ayatai ! ( v 11 )
3. Shirnoki temenen tashioktsüba lisü nung ameter atsüdaktsür aser shirnoki tamajungba nem talungtsü lisü ama atsüdaktsür parnok asoshi ayatai ! ( v18)
4. Shirnoki tamajung dang tajung aser tajung dang tamajug ajar, shirnoki tammang dang tesangwa aser tesangwa dang tammang ama züngshir ,shirnoki tako dang tanang ama tanang dang tako ama züngshir, parnok asoshi ayatai ! (v 20 )
5. Shirnoki pei nükdang shisa taka ta aser pei tangatetbaji tang shidak ta bilemer parnok asoshi ayatai! (v 21 )
6. Shirnok yi ajemtsü mongyin aser mejemtzü meyokteptsü tashi tulu nisung lir, shiri sübokrem asoshi tamajunger metendaktsür aser tai makaba nungi ochiba rakzükdaktsür, parnok asoshi ayatai ! ( v 22 )
Iba den mesüktepa Yisuia Mathi tapu 23 nung nenok tezülur aser Farisi anemsübatem ayatai ta 7 ben shia lir. Nenoki Kotak yimli nungi nisung shidanga adoker, Kotak yimlii nenok sasakaa mair aser aitsü alibatema meidaktsür. Nenok tenük tapok lenirtem,nenoki yimo senzüker saka outbo meyoker, Tilateri nung temeshi ama sayur saka yimlibilem aser tamang mapa senzüka doktsür.Nenoki marok ase auso tema shidoker saka telonglen ambangyim aser yimeseba agi sünga lir Nenok leper temesüng mesüker koba temalen tereprangtsü tobur tajung saka telonglen tasür teret aser kechisarina memerükba agi sünga lir. Yamaji tema nung nenoka nisung matsüngdang temeshi ama saka telonglen nenok anemsüba aser ozüng raksaba agi sünga lir. Iba amalaji nisung dak aketba jakla liro tamajung indang Yisui jangjangjaa shia lir. Anungji asenok ayatai tiai maitsüsa asen taküm libaliro tobur junga alitsü merangdi . Asenoki chichiba tamanger tajung ama shidak alitsü merangdi. Amen.