Essential Phone nung ‘Amazon Alexa’ aketba sayaogo

San Francisco, Tsüklai 17 (Agencies): Essential company-i Alexa (Amazon’s virtual personal assistant) aketba phone tasen ka sayaogo. Taoba Essential phone variants ajak nung ‘Google Assistant’ keta lir aser iba asoshi temelen ka ama Alexa aketba phone tasenba yanglu.
“Essential Phone sentsü tasen asem nung sayaba sülen, anogo ka lir, company-i ano ‘Halo Gray’ ta nüngja agütsür phone tasen ka sayogo. Iba model tasenba ya tanga dang nungi balaka lir kechyiong iba phone nung ‘Amazon Alexa’ keter aliba angutsü,” ta Rogonü, Phone Arena, tech website ajanga sangdong.
Essential-i taoba mapang nung sayaba ‘Stellar Gray’ model phone den model tasenba ya balaka masü. Iba phone tasenba ya Amazon ajanga jilia makaa yutettsü aser 2018 Tsüklai 21 nü nungi tenzüka ayoktsü.
‘Stellar Gray’ phone jenjang sen $599 lir saka iba dang nungia tajemba nung ‘Halo Gray’ phone sen $449 agi ayoktsü.
Iba phone features tsütsü reprangdangra, edge-to-edge display den modular system keta alitsü aser iba aketba ajanga phone amshirtemi accessories tem; 360-degree camera aser display 5.7-inch LTPS nunger amala bendenloka amshitsü asoshi maongka agütsür.
Phone nung dual primary camera 13MP sensors ana keta alitsü. Camera ana rongnung ka standard RGB sensor aser ka monochrome alitsü.
Iba Phone nung, 2.45 GHz octa-core Qualcomm Snapdragon 835 indang chipset den Adreno 540 GPU keta lir.