Longkhum nung curfew ozüng agütsür

Dimapur, Tsüklai 20 (TYO): Longkhum yimtsüng nung Criminal Procedure Code (CrPC) nung Section 144 kübok tenokdangba agütsür ta Mokokchung DC & DEO, Sachin Jaiswal, IAS-i metetdaktsü.
Yimtsüng nung tensa mejungi akümtsü akok aser iba jagi election tiptema magitettsü südi ta bilemba agi curfew alitsü ozüng agütsür, ta pai ashi.
Curfew ji Tsüklai 19, 2018 nungi tenzüker Metsüremi 3, 2018 tashi nikongdang 6:00 ako nungi anepdang 6:00 tashi alitsü.
CrPC nung Arrla 144 ajanga nisung 5 dak tema senzütsü memelar, prangpong-injang, lung, süng, tapoktsü mesüra ozüngi noktangba osettem bener senzütsü memelar aser aibelenertem IPC nung Arrla 188 kübok merenshitsü.
Iba tenokdangba kübok election maparen nung shilem agiba sorkar ketdangsertem, law & order aser essential services maiter.