Deputy Commissioner & District Election Officer-i sangdonger

Dimapur, Tsüklai 22 (TYO): Polling officials tem atema tasembuba aser tatembangbuba training Mayangnokcha Govt. Higher Secondary School, Mokokchung Auditorium nung Tsüklai (February) 23 aser 24 nü akatsü, ta DC& DEO Mokokchung-i Tsüklai 22 nü sangdong ka ajanga metetdaktsüogo. Kasa sangdong ajanga ashiba agi, 2buba, 3buba aser 4buba Polling Officers training Tsüklai 23 nü 9:00 ako nungi tenzüktsü.
Presiding Officers aser First Polling Officers tem training Tsüklai 24 nü 9:00 ako nungi tenzüktsü. Presiding Officers aser Polling Officers ajak dang parnok tata anogo nung 9:00 ako shidak nung MGHSS auditorium tonga arutsü asoshi metetdaktsür.
Iba senden nung medentetba Polling Officers tem ajak Representation of People Act, 1951, Section 134 aser Indian Penal Code Section 174 kübok tapet temerenshi agütsütsü, ta DC& DEO-isa metetdaktsü.