Assam kübok school 35,000 nung electricity mali

Guwahati, Tsüklai 28 (Agencies): Assam nung aliba school aika nung kaketshirtemi nüngdakba balala mali.
Gunotsav dak sendakba nung study ka agia tasadangba ka agiba ajanga, state nung aliba shisaliok rejutem jenjang mejungi aliba bushitet.
Aenjeti ita nung Gunotsav tasembuba aser tatembangbuba shilem agiba sülen Education minister, Himanta Biswa Sarma-i, district 13 kübok sorkar school tem nung tanur meyirjang 35 dak tema azüngba school tem nung light, metsümeshidak aser tajemtzü tzü maliba bushitet, ta metetdaktsü.
School jenjang asadangba district 13 ji- Goalpara, Majuli, Biswanath, Sonitpur, Dhemaji, Goalpara, Baksa, Nalbari, Dhubri, South Salmara, Karimganj, Hojai aser West Karbi Anglong tem liasü, aser item districts nung class II nungi class VIII kaketshirtem dak rangloker item tasadangba agia liasü.
Gunotsav III nung shilem agia chief minister, Sarbananda Sonowal-ia Manjuli district nung No. 2 Sadar Lower Primary School semdanga liasü.
School meyirjang 48 nungi school 34,162 nung electricity light mali aser school 1,379 nung metsümeshidak aser tajemtzü tzü maliasü.