Tuensang nung sepai ka tsükset

Dimapur, Tsüklai 28 (Agencies): Rasemnü Tuensang kübok sepai ka gari lendong ka nung asü. Parnok ya Thokoknyu nungi Tuensang-i meyipa arudang lendongji ajuru.
Polling party amenba gariji tanga gari ka den tsüktepdang sepai ka asü aser kar yiru ta osang angazüker.
Tsüklai 27, 2018 nü polling agidang Zunheboto district nung Naga People’s Front aser Bharatiya Janata Party züngsemtem tsüngda raradang nisung ka khaset aser ana yiru.
“Akuluto constituency nung nisung kari vote agütsürtem polling station-i marudaktsü aser iba jagi raraji adok. Telok ana tsüngda khatep tenzük aser idangji police-ia injang khadoktsüsa aküm” ta Nagaland Police tekolak Rupin Sharma-i osangbener dang ashi.
Tensa azüoktsü atema police talila mapa lemzüktsü aser Akuluto menden atema polling tiptema agiogo, ta Sinha-isa shisem.
Ano, Mon district kübok nisung ka bomb agi yiru aser Tizit constituency nung nisung telok kati Voter Verifiable Paper Audit Trail (VVPAT) machine raksatsü. Ajisüaka, iba tesem nung polling station ajak nung mapa tiptema dang inyak, ta Rupin Sharma-isa ashi.