Exit poll ajanga Tripura, Meghalaya & Nagaland nung BJP adenba sorkartem arutsü sayur

Guwahati, Tsüklai 28 (Agencies): Tripura, Meghalaya aser Nagaland nung assembly election agiba atema Exit poll kar adokogo aser iba nung ashiba ama atalokra, state asem nung BJP-i sorkar ketdangsüba nung tongti shilem agitsü.
Left-i sorkar ketdangsüa aruba Tripura state nung Tsüklai 18, 2018 nü polling agi aser külen Meghalaya o Nagaland nung Tsüklai 27 nü polling agia liasü.
Sangtennü nikongdang exit poll indang results ji metetdaktsü aser iba nung North East nung yimten tensa khenyongi balaka melenshitsü ama shia lir.
North East nung BJP-i Manipur, Arunachal Pradesh aser Assam nung sorkar kümteta ketdangsüa arudar aser yashi adokba exit poll results ji shitak süra Meghalaya, Nagaland aser Tripura nunga parnoki sorkar akümtsü akok.
Ibaji North East kübok state tenet nungi trok nung BJP sorkar akümtsü
Tripura, Meghalaya, Nagaland atema Exit polls ajanga yamai sayur.
Tripura seat share:
JanKiBaat-NewsX:
Left front -45-46%;
BJP-IPFT 35-45;
Others 2-3%
AxisMyIndia:
Left front – 14-23;
BJP-IPFT-44-50-;
Others 11%
CVoter:
Left front -26-34;
BJP-IPFT – 24-32;
Congress – 0-2
Survey asem rongnung anati BJP-i Manik Sarkar’er Left Front sorkar atsüngdoktsü ta ashir saka survey ka ajanga Left Front aser BJP-IPFT nati menden kasashi angutsü ta ashir.
Meghalaya seat share:
JanKiBaat-NewsX:
NPP – 23-27 seats;
BJP 8-12;
Congress 13-17
CVoter:
Congress – 13-19;
NPP – 17-23;
BJP – 4-8;
UDP-HSPDP – 8-12;
Others 5-9
Survey anaprongi NPP-i jenjang tajung angutsü aser BJP-ia menden aika nung takok angutsü ta sayur. BJP-i aniba North-East Democratic Alliance (NEDA) nung NPP dena lir aser party ana tsüngda pre-poll alliance kecha maliasü. Ajisüaka, exit polls nung sayuba ama telok anaprongi mendentem ngura, NEDA-i zübazüba sorkar akümtsü ana nung lir.
Nagaland seat share:
JanKiBaat-NewsX:
BJP-NDPP 27-32;
NPF – 20-25;
Congress- 0-2;
Others – 5-7
CVoter:
NDPP-BJP- 25-31;
NPF – 19-25;
Congress – 0-4;
Others 0-6
Survey anapronglai Nagaland nungi Congress atsüngdokba aser BJP-NDPP teloktepi menden teimba nung takok angutsü sayur. NPF ya NEDA nung dena lir aser BJP-NDPP teloktepi menden sorkar akümtsü menden peria mongutetaka, parnoki tanga party tem mesüra NPF teyari agia sorkar akümtsü akok.
Meghalaya, Tripura aser Nagaland state asemprongla nung assembly menden 60 lir aser sorkar akümtsü atema party kati menden 31 nüngdaker. State asemprongla nung Metsüremi 3, 2018 nü votes azüngtsü.