Mahindra company pur-i Tsüklai gari 51,127 yokogo

Metsüremi 3, 2018 (Agencies): Mahindra & Mahindra Ltd. (M&M Ltd.) puri Tsüklai 2018 nung parnok indang gari ayokba sangdongogo. Parnoki iba ita gari 51,127 yoka liasü koba 2017 Tsüklai 42,826 dang yoka liasü aser iba ajanga gari ayokba shilem 19 agi ajungketba sayur.
Taküm Tsüklai tashi nung Passenger Vehicles segment (UVs, Cars aser Vans densema) nung shilem 8 agi timba küma gari 22,389 yokogo. Commercial vehicle segment nung gari 20,946 yoka shilem 28 agi timba kümogo. India kija nung ayokba ajak senteper parnoki iba ita tsüngda nung gari 48,473 yokogo aser iba ajanga shilem 20 agi timba akümba sayur. Medium aser Heavy Commercial Vehicles segment, nung shilem 16 ajungketa M&M puri gari 828 yokogo. Tsüklai 2018 nung M&M puri gari 2,654 bendanglima balala nung yoktetogo aser iba ajanga shilem 15 agi parnok inlokogo.
Ita shia gari ayokba dak sendakba nung M&M Ltd. Automotive Sector, tir Rajan Wadhera-i ashiba agi, “Tsüklai onok shishilembaba ngua kanga pelar aser onok shilem 19 agi renlokogo. Personal aser commercial vehicle segments anaprongla nung nüburtem takhangba aser gari metangi ayokba ajanga iba jenjang ya ajangtetogo aser maneni Metsüremi (March) nunga kasa yokyatsüyatsü imlar.”