Warren aser Faye natisa best picture award agütsütsü

Los Angeles, Metsüremi 3 (Agencies): Taoba küm Oscar Best Picture award agütsüba mapang meyoktepba sülen 90buba Academy Awards nunga Warren Beatty aser Faye Dunaway nati kasa award ya agütsütsü imlar
Tena iba sentong atema Dolby Theatre nung rehears süa aliba nguogo, ta hollywoodreporter.com ajanga metetdaktsü
“Bonnie and Clyde” sayar küm 50 ajungba nüngtem nung tenadi 2017 küm Oscar nung temaba award agüja liasü, saka sabang nung envelope meyokteepba sülen iba award ya “Moonlight” melena “La La Land” nem agütsü.
“Ni envelope lapok aser iba nung ‘Emma Stone, La La Land’ ta zülua liasü. Iba jagi ni Faye aser nena dak reprang. Ni asayamenütsüba atema inyakba ka masü asü,’ ta Beatty-i iba mapang sabang nung ashi.
Aenjeti (January) Academy ajanga iba amala meyoktepba ya tanaben mataloktsü atema guideline tasen ka yangluogo aser Academy tir tasenba John Bailey iba sentong nung yaküm tatalokba indang rajemtsütsü.
Taküm Oscar sentong ya tanaben Jimmy Kimmel lenisüba kübok akatsü aser India nung Star Movies aser Star Movies Select HD nung Tentonü sayutsü.