AWC: Bajrang Punia aser Vinod Kumar nati bronze medal nguogo

New Delhi, Metsüremi 03 (Agencies): Küptoknü (Saturday) Bishkek, Kyrgyzstan nung Asian Wrestling Championship asayamung nung India nunger melangteper Bajrang Punia aser Vinod Omprakash Kumar nati bronze medal ngua India nunger medal ‘tally’ nung medal ana bendenloktsüogo. Iba asayamung nung India-i medal ajak senteper 8 ngua lir, iba nung gold aser silver medal ka ka aser bronze medal 6 ta lir.
Iba asayamung seret 65 freestyle telemsa nung India nunger Punia-i Iran nunger Yones Aliakbar Emamichoghaei madak takok angu aser seret 70 freestyle telemsa nung India nunger Vinod Kumar-i Kyrgyzstan nunger Elaman Dogdurbek madak takok ngutetogo.
Iba asaya nung Punia-i Emamichoghaei madak 10-4 agi akok.
Punia-i iba bronze-medal match atema qualify asütsü asoshi pai Tajikistan nunger asayar Abdulqosim Fayziev madak takok ngua liasü.
Vinod Quarterfinal asaya nung Uzbekistan nunger asayar Ikhtiyor Navruzov den asaya liasü, shiba final tongtetogo.