CEO Nagaland-i metetdaktsür

Dimapur, Metsüremi (March) 3 (TYO): Mokokchung aser tesem kar nung tzünglu kanga aruba aser BSNL network majungba ajanga tanü votes azüngdang net connectivity timtem ajuru. Iba jagi votes azüngba mapa nung tetsükdaktsü ajuru aser tesem ka-ana nung VVPATs verification asüba dak alaka EVMs counting temogo, ta CEO Nagaland, Abhijit Sinha, IAS-i ashi.
Zunheboto nungbo tower majungba ajanga election result upload asütsü atema amshiba genesis software mapa meinyaki aküm, ta paisa ashi.
Asenoki result tem metetaka Returning Officer temi maparen aika inyaktsüsa akümer aser parnoki osang agütsüba nung ajemdaker result ji NPF-26, NDPP-17 (uncontested candidate dena), BJP-12, NPP-2, JD-1 aser Independent- 1 lir, ta CEO Nagaland-isa metetdaktsü.
6-Tenning AC indang result ECI dang benogo. Nagaland nung vote agütsür ajak agi nisung 1170548 lir aser tan election nung voter 948770-i shilem agi. Iba jagi election agütsürtem asadangtetbaji 81.05% lir aser iba nung vote azüngdang postal ballots kar aruba maden. RO temi postal ballots 60,000 nungi 70,000 shi ka angu, ta paisa ashi.
Additional CEO, Moa Aier-ia election indang result mapang shitak nung magütsütetba atema sasa bilemba metetdaktsü aser media nisungtem den public-i election nung shilem tajung agiba atema pelaba shisem.