Conrad Sangma Meghalaya CM kümogo

Shillong, Metsüremi 6 (Agencies): Taoba Lok Sabha Speaker asür Purno Sangma’er jabaso aser National People’s Party (NPP) lenir Conrad Kongkal Sangma, Sangtennü (Mongulbar) Meghalaya nung 12buba chief minister inyaktsü tenangzükba agiogo.
Angh Ganga Prasad lenisüba kübok tenangzükba agia liasü. Arishi küm 40 tain Tura nungi Lok Sabha züngsem ya Meghalaya Democratic Alliance (MDA) lennir asütsü asoshi shimteta liasü.
MDA nung political party pongu densema lir aser item rongnung United Democratic Party nungi MLA trok, People’s Democratic Front nungi pezü, Hill State People’s Democratic Party (HSPDP) aser BJP nungi anana, Nationalist Congress party nungi ka aser Independent candidate ana densema lir.
Conrad Sangma Sangma ya MLA ka masü aser pa ita trok tsüngda nung Assembly nung züngsem akümtsüla.
Kasa sentong nung BJP MLA Alexander Laloo Hek aser HSPDP nungi MLA Samlin Malngiang nunger densema Cabinet minister 11 tenangzükba agi.