Arjun aser Shlok nati main draw tongtetogo

German Open 

Mulheim-An-Der-Rhur (Germany), Metsüremi 06 (Agencies): Sangtennü (Tuesday) German Open asayamung tebur tarep qualifier asaya nung India nunger Arjun MR aser Ramchandran Shlok nati Thailand nunger Inkarat Apisuk aser Tanupat Viriyangkura na straight nung kokogo.
Iba $150,000 World Tour Super 300 asayamung ‘lop-sided’ asaya ka nung Arjun aser Ramchandran nati Inkarat aser Tanupat madak 21-15, 21-16 agi takok angu.
Ajisüaka tena asoshi taruba asaya kanga tasak alitsü, kechiyong tena temaba seed nung aliba Japan nunger tarep asayar Takeshi Kamura aser Keigo Sonoda den Rasemnü (Wednesday) asayatsü.
Maneni main draw tebur tarep asaya nung, Manu Attri aser B Sumeeth Reddy na Denmark nunger qualifier Kasper Antonsen aser Niclas Nohr na den asayatsü.