Metsüremi 16 nü tashi nung Rohingya onük nung telangzüba agutsütsü: SC

New Delhi, Metsüremi 08 (Agencies): India linük arrtsülen Rohingya refugees meinzüka yokba anentsü aser India linük nung aliba refugees camp balala jenjang tajungba kümtsütsü atema temepishiba shidi ka benokba nung ajemdaker telangzüba agutsütsü atema Supreme Court-i Centre sorkar nem mapang agutsüogo.
Chief Justice Dipak Misra, Justice AM Khanwilkar aser Justice D.Y. Chandrachud nungeri akumba bench-i telangzüba agutsütsü atema Centre nem Metsüremi (March) 16, 2018 tashi mapang agutsü.
Additional Solicitor General, Tushar Mehta-i court dang, Rohingya refugees meinzüka yokba anentsü aser India linük nung aliba refugees camps jenjang tajungba kümtsütsü atema temepishiba asoshi telangzüba agutsütsü atema pa nem tetuyuba agutsüogo, ta metetdaktsü.
Court-i maneni iba ken o ya Metsüremi 19, 2018 nü angadangtsü.
Aenjeti (Januray) 31, 2018 nü Supreme Court-i iba ken o angadangba mapang nung Additional Solicitor General, Mehta-i court dang, iba onük nung court-i tiyongtsü maitsüla, kechiyong linük temzüng ajanga executive nem tashi agüja lir, ta jembia liasü.