Nagaland Taekwondo-i National Championships nung shilem agitsü

Dimapur, August 31 (TYO): Taekwondo Federation of India (TFI)-i taruba September ita 6-9 nü tashi Hyderabad nung asayatsü ayongba 33 buba National Sub-Junior Taekwondo Championshionships nung Nagaland-ia shilem agitsü renemogo.
Nagaland Olympics Association (NOA) aser Department of Youth Resources & Sports (DYRS) na nungi temelaba agiba sülen Nagaland Nagaland Taekwondo Association (NTA) telok züngsem 11 tashi Team Manager, Theja Keretsu; Team Coach, Visabeiu Peseyie aser Assistant Coach, Albert Lotha nungeri anir national championships asayamong nung shilem agitsü renema lir.
1987 küm tentetba NTA-i 2012 küm silver jubilee benjungmong amongba den külemi, taoba hopta ang 28 buba NTA Championships takok ngua ayongba osang jangjaogo.
Nagaland tenüng nung Asangbo Zeliang (under 18 kgs), Tenloi Phom (Under 21 kgs), Nnumhie Zeliang(Under 23 kgs), Thinokhoto Nakhro (Under 25 kgs), Neikhozo Napranotsu (Under 27 kgs), Kevinguzo Kerestu (Under 29 kgs), Yentsiithong Tikhir (Under 32 kgs) aser Hinglakbo Nkie(Under 35 kgs) nungeri shilem agitsü renema lir.