School Education Department ajanga metetdaktsür

Dimapur, Metsüremi 08 (TYO): School Education Director, Wonthungo Tsopoe-i sangdong ka nung private Higher Secondary School aser High School ajak dang, Directorate of School Education kübok Physical Education Section nung tetsür aser tebur saisapong tesayur atema GHS Kigwema Kohima nung hopta ka Physical Education Activities nung basic training agitsü, ta metetdaktsü.
Iba training mapang nüngdakbatem peritsü mechi Directorate indang Room No. 4 nungi Metsüremi (March) 10, 2018 nungi tenzüka office mapang iba training nung shilem agitsüpur tesayurtem ajungai sen 3000 meshitsü. School ketdangseri tesayur ka (Sports Incharge) yoktsü akok. Iba training atema anogo aser mapang ya shilem agiba school shia nem metetdaktsütsü, ta School Education Director-isa metetdaktsü.