ISL 2018 Final Kolkata nungi Bengaluru-i belener ogo

Mumbai, Metsüremi 8 (Agencies): Indian Super League (ISL) football final asayatsüba Kolkata nungi Bengaluru-i belener ogo, ta asayamung ayongretemi Yangtepnü sangdong ka ajanga metetdaktsü.
“Football Sports Development Limited (FSDL) puri tanü Hero Indian Super League 2017/18 final asayatsüba tesem Kolkata nungi Bengaluru-i belener ogo,” ta osang ka ajanga metetdaktsü.
“ISL final ya Sree Kanteerava Stadium nung Küptoknü, Metsüremi 17, 2018 aonung 8:00 ako nungi asayatsü,” ta kasa sangdong ajanga metetdaktsü.
Bengaluru FC, FC Goa, Chennaiyin FC aser FC Pune City pur final nung jenjang ka atema tang semi finals tasayadak lir.
Semi-final mezüngbuba leg mezüngbuba asaya Pune nung Shiv Chhatrapati sports complex nung asayaa liasü. Iba asaya nung BFC aser Pune team napronglai goal kaka danga magütsüteti kasasa nung asaya tembang.
FC Goa aser Chennaiyin FC na mezüngbuba leg tanabuba semifinal Küptoknü Fatorda, Goa Nehru Stadium nung asayatsü.