Witter Theological College nung Intl. Women’s Day among

Dimapur/Wokha, Metsüremi 09 (TYO): Metsüremi 08, 2018 nü Witter Theological College, Vankhosung, Wokha nung International Women’s Day ayongzüka mongogo, aser iba sentong nung tongti o jembirji APRO Bhandari, Lily Ngullie liasü.
Iba anogomong sentong nung jembidang Lily Ngullie-i, alima nung tetsürtem jenjang tajungba akumtsü aser tetsür anema inyakba mapatem anentsütsü atema alima linüktem aser lenirtemi meranga inyaker, ta metetdaktsü.
Alima tesem ajaklen tetsürtem jenjang tajungba akumtsü atema nükjidong yur inyakba dak sendakba nung Lily Ngullie-i, pei kidang-kibongtem nung, kiyong aser temeket nung aser Arogotem nung temelenshi bener arutsürtem kaka asutsü ayongzük.
Laisa Theological kaketshirtem danga Tsüngrem osang tsüngchia abentsü atema ayongzük.
Kasa sentong nungsa ‘Struggle and Achievements of Women- Then and Now’ video saya. Iba video ya Lozilo aser Abilan nati direct süa produce asuba video lir.
Zuchanbeni aser Shanchobeni nati ‘I am a Girl’ sangro azüng; Renjanbeni aser Keyipeule, nati ken ka aten; BD aser OC kaketshirtemi jilushi ka saya aser Janbeni leniba nung choreography ka ajanga shilem agia liasü.
Iba sentong ya Sarah Ovung leniba nung agi.