Bajaj Electricals-i ‘IoT’ air cooler sayaogo

Bengaluru, Metsüremi 10 (Agencies): Bajaj Electricals puri ‘Internet of Things’ (IoT) ajanga amshiba air cooler mezüngbuba, Bajaj Cool.iNXT sayaogo.
Company-i ashiba agi, IoT- air cooler nung smart technology aser intuitive designs inoka yangluba ajanga temelenshi aliba, talirtemi ajangshitsü. Residential space atema dang masü saka commercial space nunger nunga IoT air coolers ya amshitettsü.
“India indang mezüngbuba IoT air cooler sayaba atema onok kanga dang pelar aser tejak tenteter,” ta Bajaj Electricals, joint managing director, Anant Bajaj-i metetdaktsü.
Tang tashi nung Bajaj-i IoT air-cooler atema jenjang sangdonga mali. Cool.iNXT ya art mobile app, iR remote aser cooler nung aketba digital control panel ajanga control süa amshitettsü, aser iba ajanga tanga cooler tem dang nungi iba ya balaka lir.
Tzü litre 22 züoka amshiba cooler nung, Wi-fi aser internet-enabled operation, mobile app aser kilung temperature aser humidity azüoktsü asoshi intelligent sensor inoka yanglua lir. Maneni kara kara mekongdaktsütsü atema iba cooler nung ice chamber inoka lir.