Xiaomi Redmi 5 Metsüremi 14 nü sayatsü

Metsüremi 10, 2018 (Agencies): Iba ita tetenzüklen Xiaomi puri parnok indang product aika sayaba sülen maneni parnoki India nung parnok indang product ka sayatsü asoshi renema lir. Company-i ashiba agi, iba product ya smartphone form nung ‘compact powerhouse’ ka asütsü. Tawa tweet ka ajanga Global VP aser Managing Director, Xiaomi India, Manu Kumar Jain-i ashiba agi, company ajanga ‘slim, sleek and compact’ smartphone ka Metsüremi 14 nü sayatsü. Iba tweet nungsa iba smartphone ya ‘true super powerhouse’ ka asütsü ta shisema liasü.
Osang kar ajanga ashiba agi, tang sayatsü aliba smartphone ya Xiaomi indang Redmi 4 phone den tatongtep phone asütsü aser Redmi 5 ta nüngja agütsütsü. Iba phone ya China nung shishilembadakbo sayaogo saka India nung tang tashi mesayai lir.
Specifications, tsütsü Redmi 5 nung 5.7-inch HD+ display den aspect ratio 18:9 aser Snapdragon 450 SoC keta alitsü. Osang ajangasa ashiba agi, Redmi 5 ya memory variants ana nung angutsü akok, ka 2GB RAM/ 16GB storage option aser tangabaji 3GB RAM aser 32GB internal storage variant asütsü akok. Redmi 5 ya sen 7,000 nungi tenzüka angutsü akok aser Metsüremi 20 nü nungi alitsü asoshi angutsü.
Taoba Xiaomi company puri Redmi Note 5 aser Note 5 Pro ta smartphone ana India nung sayaogo aser iba den külemi parnoki indang Mi TV mezüngbuba dena sayaogo.