AR-i state tesem balala nung Polio vaccine agutsü

Dimapur, Metsüremi (March 11 (TYO): Pulse polio day anogomong, Metsüremi 11, 2018 nü HQ IGAR (North) leniba kübok Assam Rifles Battalion-i Nagaland state tesem balala nung pulse polio vaccine agutsüba sentong ayongzüka agiogo.
Assam Rifles battalion-i parnok indang hospital tesem balala nung medical camps aser kiosks lapoka pulse polio mission inyak.
Iba anogomong nung parnoki tanur 3346 nem polio drops agutsü aser item tanur rongnung civilian 2379 aser Assam Rifles chirnurtem 967 densema lir.
Kohima: State yimtiba, Kohima nung Assam Rifles Kohima battalion-i pulse polio immunization tanabuba shilem sentong nung tsüraburtem dang pei chirnurtem arishi küm pongu majung tashi mapang-mapang shia oral pulse polio agutsütsüji tongtibang, ta metetdaktsü.
Kohima Battalion-i Jotsoma village, Minister Hill, IG Stadium aser Kohima Garrison nung pulse polio booth amenoka polio aguja liasü.
Zunheboto: Zunheboto nunga Zunheboto Battalion-i Khowaboto village aser temeket tesemtem nung pulse polio camp amenoka liasü. Iba camp ya Deputy Commandant Ngukato Kiho, Senior Medical Officer leniba nung Battalion nungi medical team aser para medical staff temi agi.
Phelungre, Kiphire: Phelungre, Kiphire nung Kiphire Battalion-i Aenjeti (January) 28, 2018 nü pulse polio immunization camp amenoka liasü. Iba unit nungi doctor team ka den pharmacist aser Nursing Assistant-i ayongzüka Phelungre aser temeket tesemtem atema pulse polio immunization agüja liasü.
Kashiram Basti, Dimapur: Assam Rifles Dimapur Battalion-i 2IC Sanjay Kumar, CMO leniba nung hospital, Kashiram Basti nung aser Maj Ankit Gupta leniba kübok Lungiram Gate, Full Nagarjan, Dimapur nung pulse polio immunization programme agi.
Medziphema & Jalukie: Jalukie battalion-i Athibung, Peren aser Tenning village nung aser Ghaspani battalion-i Medziphema nung pulse polio immunization programme ayonga agiogo.