ATEMZüKER MEINYAK DANG NUNGIBO KENYONGI MATEMZüK TAJUNGBA

– I.Imdang Ozukum E.Er. BSNL.

1. Nagaland for Christ:- Shirnok-i tenzük? Shiba shisatsü tajung ajanga shisatet? Naga nungertemi Kanga pelatsü tim aser kanga pelar. Khrista memetetba kiyong kidanger Limaji reprangdangra Yim o Yim na arishitepba mali. Kin kidong arishitepba mali. Akhi tejen yimsü yimpong ajanga parnok timtem agütsütepba mangur.
2. Shidakba Nagaland for Christ tamanger ji asenoki züngdangdi? Asenok shiai Nagaland for Christ atema anogo shia kechisa inyak? Aser inyakteta ali? Atemzükba rongnung na ka aser nia ka dena lir. Tsüngrem tsüngdang sentsütsür ji na aser ni ta jashia bilemtsüla ya kar khuret dang ta tebilem,mebilemtsüla.
3. Missionary (10,000) Merijang ter aotsü/yoktsü nangzük? Aotsüba asü yoktsüba? Shibai shiba yoktsü? Shiba aotsü? Kari songtema aliasü? Mashi mashi meyoktsü asü? Tanüla temeshi Qualification asü? Theology azünger dang asü? Asangur aiür dang asü? Tantsür tamburbo maden asü? Shiba yoktsü? Shibai yoktsü shiba aotsü? Atemzüker meinyakba purtem. Sentsütsür Khristianji Naga nunger item rongnung leaders ji shir?
4. Nagaland nung Theological institution kwika lir? Theological institution nungtuko 11 lir aser tanga-a alitsü akok. (1) Anderson Theological college. Zunheboto Dist. (2) Baptist Theological college. Phek Dist. (3) CLARK Theological college (4) Discipleship Bible college Signal Angami Dimapur. (5) EASTERN Bible college Dimapur (6) Nagaland Baptist college Dimapur. (7) ORIENTAL Theological Seminary. OTS.Dmp. (8) SERVANTHOOD BIBLE COLLEGE CHUMUKEDIMA Dimapur (SBC) (9) SHALOM BIBLE Seminary Kohima Dist. (10) TRINITY Theological college THAHEKHU Dimapur Nagaland. (11) WITTER Bible College Wokha.
5. Item Theological college nung küm shia nisung kwi graduate asur? Merijang 10,000 (ten thousand) yoktsü nangzüker küm 30 (thirty years) tema aoer? Item Theological college institution 11 nung graduate asürtemto lakh 1 tema zünger alitsü ta amanger. Atemzüker meinyakba dang nungibo matemzük tajungba.
6. Nagaland Dry state Shiri tenzük? Yi tamasa mangu anungji mozü achi nisung mezüngmai asü, aser asür! Yi jenjang tasakba aküm nature asüba denbo yi agi rongseta asür teimba! Yibo mangur masü teimba-ang talubusa angur. Atemzük meinyak kechiba. Tsüngrem tenüng nung inyak süra, Order ozüng masü, (brain wash) tekolok shitoktsü masü temulungjang tanüla (wash) tamasa shitoktsütsüla. Dr Clark-i Brain wash tama südaktsü! Nenoki Yisu yimsü dang agizükang ta tamasa sayutsüngi ! saka tanüla temeshi agizüktsü indang mesayu. Tang tashi Tamanger aika Tsüngrem tenzükaka tekolok tamang (Brain wash) Christian asenok rongnung lir iba jagi tema tazütsü Khristian (nominal Christian/ Liberal christian) jagi kodanga atemzükba ama mapa agi meinyaktettsü.
7. Clean Election Shirnoki tamasa tenzük? Kidang mesüba shiruru jungjunga azüoka majitsü, majemtsü, jungjunga, Sayuteter-a sünga kibur malidangbo auyar nung , nisung sen agi tzüraseta alidang temulungjang memelenshidaktsüi CLEAN ELECTION CLEAN ELECTION CLEAN ELECTION CLEAN ELECTION CLEAN ELECTION??? ta aoksa-a ayimoktsü nung HAU ta aremzüktima? Tenem nungi long mezütsü tenzükdang nokdangtsü keni tamakoktsü. Train tuodak nung shibai aji soittettsü? Jelia mapa tabensa inyakadoktsüla.
8. Majung ta meteter asenoki inyakdang asenok temulung shisabulua dang alitsü, Tsüngrem tsüngdang nüma madangtet, nisungibo kecha meshiaka asenok temulung tipmatem den tarutsü aliba timtem dang sernung, raksaa tanur bener satikoli tajung angu! Akümli tepiyong Shisapulu agi sunger tekolak dang ango nung ato agi asü? ta teti bilemtsüsa mesui, atemzükba ama mapang shidak nung inyaktsü, jembitsü, alitsü,merangdini? ta ayongzüker
Tangatetba nung azünger ajak Tsüngremi moajangma Amen.