Renault Kwid Outsider 2019 küm sayatsü akok

New Delhi, Metsüremi 11 (Agencies): India nung Renault Kwid gari ya iba segment nung kanga nüngtugu gari ka lir aser kasaji Brazil nunger amala shishilembadaka Renault ya kanga junga yokdar. 2016 Sao Paulo Motor Show nung Renault-i Kwid concept ‘Outsider’ saya lir aser iba ‘Outsider’ gari renemer aliba ya Aenjeti (January) 2019 nungi angutsü ta, Motor1 Brasil-i sangdong ka ajanga metetdaktsü.
India aser Brazil nung Renault Kwid gari takok anguba ya SUV (Small Utility Vehicle) mesükba ajanga lir. Iba gari nung mascular design keta aliba ajanga terprangtsü SUV mesüka lir aser alima tesem ajak nung SUV garitem kanga nüngtugu akümba reprangdangra Renault puri jenjang tapet ka agiogo. Kwid Outsider concept ya SUV mesüka yanglutsü nükjidong lir aser gari nung design tasen kar bendenloka terprangtsü nung tashi keta aliba gari mesüka yanglutsü sendong lir.
Renault gari concept tasenba nung temelenshiji, gari meküta ‘body cladding’ talila inoka yangluba, tejaklen aser tesülen ‘bumper’ nung ‘faux skid plates’ bendenloktsüba aser iba den gari nung ‘roof rails’ inoka yanglua lir. ‘Door cladding’ nunga ‘Outsider’ temaitsü inokja lir aser tesülen tail lights jibo tang teyokdak Kwid den kasa alitsü aser tejaklen fog lamp cluster jia taoba ama dang alitsü.
Iba gari telung nung interior design ji tang anguba Kwid den kasa alitsü saka dashboard sentsü ji green alitsü.
Brazil atema ‘Kwid Outsider’ gari nung 1.0-litre SCe three-cylinder petrol engine inoktsütsü imlar. Iba engine ajanga 66 hp aser 92 Nm torque tashi agütsütsü imlar. Ano jangratemtsü kaji iba kasa engine nung ‘ethanol’ züoka anitettsü ta angazüker aser ibaji ajanga engine tashi 70 hp aser 96 Nm tashi agütsütsü. Iba engine nung 5-speed manual transmission (Standard) keta aliba angutsü.