Messi’er jabaso asembuba moaogo

Metsüremi 11, 2018 (Agencies): Barcelona aser Argentina football team nungi forward nung asayar, Lionel Messi-i tensa mapanga koma ka liaka pai football asaya nung kodanga shilem magi arudanga mali, saka Küptoknü (Saturday) Messi’er jabaso asembuba asoba mapang pa La Liga nung Malaga den Masaya.
Messi aser Antonella Roccuzzo na taoba küm kibong akum aser tena atema jabaso asembuba, Ciro, Küptoknü aso.
Tanü putu nung football asayartem aser saisapongertemi social media kanga bulua amshiba amabo Messi-i mamshir, ajisüaka pai iba osang tajung ya Instagram ajanga lemsatep.
“Ciro moatsüba asoshi Tsüngrem nem tenüngsang agütsür. Ciro aser tetsü na junga lir. Onok kanga pelar!!!,” ta Messi-i zülutsü.
Messi aser Antonella na jabaso ana tashi lir. Thiago ya 2012 küm aso aser küm asem sülen 2015 nung Mateo aso.
Barcelona aser Malaga masayadang tsüngta, Messi-i iba asaya nung shilem magitettsü ta jangja liasü, saka iba asaya nung Luis Suarez aser Philippe Coutinho nati goal kaka agüja iba asaya Barcelona-i 2-0 agi akok.
Messi-i iba asaya ya mozüki nungi television nung reprang aser mapang talangka melie medemertem den külemi football asaya nung shilem agitsü imlar.