WhatsApp nung ‘message deletion’ feature ano melenshiogo

New Delhi, Metsürremi 12 (Agencies): Facebook indang WhatsApp-i tawa ‘Delete for Everyone’ feature ka sayaogo koba ajanga ‘WhatsApp’ amshirtemi aibelena yokba message tem delete sütettsü. Iba feature tasenba sayaba mapang ashiba agi tamshirtemi aibelena yokba message tem minute 7 nung delete sütettsü.
Ajisüaka, taoba hopta WhatsApp-i minute 7 atakzükja aliba, ghonda 1 sür minute 8 sür second 16 agi atsülangtsüogo. Tangbo, iba nüngtugu ‘messagin app’ yagi ‘Block Revoke Request’ ta nüngja agütsür feature tanga ka sayatsü sentong yangludar. WhatsApp amshirtemi iba app modified version ka amshia küm asem tejen messages ‘delete’ asüba company-i ngutetogo.